NGAUI BAU: AKHYO

Ganhae” vogaung: dalam: mae Yaung” Yaung” ga: mang: ra” myiqe: zo: dayaug na:. Yao: wa gyai myaung sho” ra” yham khaung mae” khau: li” yaug ngad: ra”. Ngai shi” ra” ayo, mae Ba ne, jung mae re: nyang” za: do; yu: ra” myiqe: nau” re: ngad: ra”. Yao: wa yao: tho’ qi” ra” lau: de; qere gyai ba: phug’ myao” ra” yaug ngad: ra” mathao vogaung: byu bam wa yao: re gyai jhid’ de, ko” ra”. Yao: myhi’’ yao: pho” ra” dao: kheim : jham rere: nyang” za: tae” gyo” ra”. Yaonhaung: bam rere: ba: jhid’ de; ra” bai: mo” dayaug ngad: ra” .

Yaung” Yaung” wa kao 18 zin  mae  jung 10 zhao” re qo” phyid’ aung: yu va” myiqe: nau” re: ngad:. Xo’ mung: yang: ginbagam (University) mae 1 zin: pang re do; na: ra” au: mamyid:  to” ra” akhyo: dalam: boe” thug’ li” ra”. Aiwa yao” ra” yao: myi” yao: pho” mo:do: thaung: qhug’ yang: shid: byaug: ra” akhyo ngad:.

Aimung: Yaung” Yaung’‘ wa jung do, thang ca” byaug: ra”. Pe” mathao ga” re- yao” ra” yaonhaung: bam re thaug’ qhao” nae” qo qi: yao: mae joe” lo yang: ngad:  ra”. Ngad qere: yao: wa myid qam: qao” qao” we’ za: zaui: so” lo” ra”.

Daba: ba ayo, mae Yaung” Yaung” wa mau” kad’ ra” tau mae” yham khyo lo: ra” au: khyo mae byu dayaug zaung: jo; re the’ myao: ra”. Pe” mung yang: zaung: jo; laug ga: ba nug yang: (nga” phug’ pe” mung: khyo nhae mae zaung: jo; ra”?) ein: dao: myid’ ke’ ra”. Ai: thao phug’ mao: wa ” (zoshao we” nga” phug’ zo mathe’ zo” re shid’ ba ngad va”. Zo gyai moe’ kyi:) ein: ta” kyo” ra”. Aire Yaung” Yaung” wa gyai nhag’ khyag’ byaug: ra”. Aimung: yao” yham khyo jhui” lo” yang: zo: shaug’ jham re byid: zho” ra”. Myi” thao  ayo, joe” yang: re: phug’ mao: zo: nae” qhid’ mae” zokag’ kag’ mung: byid’ ke’ ra”.

Dane; ayo, mae wa mamyid: to” ra” khyo: Yaung” Yaung” bao” thaug’ ke’ ra” ai: phug’ mao: wa dai zug: qi: dayaug ngad: re ba: li” ra”. Ai: dai zug: qi: yaug wa yao: zo: yaug gai mao: mo” qhid’ mae” yham sang myi” qho: ra” akhyo ngad: re su gaje nyang” za : ta” kyo” ra” mathao qo” ba” yu: ra” .

Ai: nhag’ bo yaug wa Yaung” Yaung” jhao” dau mo” kad’ nae” qhid’ mae” myid: qu” to: va” yaug ngad: ra”. Yaung” Yaung” wa gyai nhag’ bo: ra” mathao- ai: dai zug: qi: qu” tau” ra” akhyo jo: ru” ngad: mung: dai zug: qi: mae” yao: zo: we’ yham dang: ug’ khug’ vai” byaug: ga”.

Ai: akhyo jham wa Yaung” Yaung” we’ yaonhaung: bam: qhid’ mae” ngaui baui: akhyo yao: ngad: ava”.

                                                                                                Phaulu’ Seng’’ Tu’’ Mai:

                                                                                                KTCS – Naung’’ Nang

Tags:

Leave a Reply

Your email address will not be published. Required fields are marked *

*